Мессининг номи ўчмайди

Лионель Месси бир жамоада энг кўп гол урган футболчи сифатида янги рекорд ўрнатди. Испания чемпионатининг 15-турида “Вальядолид” дарвозасига киритилган тўп Мессининг “Барселона” учун урган 644-гол бўлди.

Аввалроқ, аргентиналик ҳужумчи Пеленинг 643 та голдан иборат рекордини такрорлаган эди.

Лео бу натижага эришиш учун Каталония клубида 16 йилдан бери тўп тепиб келяпти. Пеле “Сантос”да ўйнаган пайтда рекорд учун 17 йил умрини бағишлаган.

Таъкидлаш жоизки, аксарият мутахассислар бир жамоа учун гол уриш бўйича бундан кейин ҳеч қайси футболчи Мессининг рекордини янгилай олмаслигини айтмоқда. Чунки замонавий футболда бир жамоа учун узоқ йиллар тўп сурадиган футболчи топиш деярли имконсиз. Қолаверса, гол уриш ҳам тобора қийинлашиб бормоқда.

Демак, Мессининг номи футбол тарихида мангу қолади.

Матнда хатолик топсангиз, ўша хатони белгилаб, бизга жўнатинг (Ctrl + Enter)