Месут Ўзил: "Арда Гюлер — менинг "Реал"даги ворисим"

"Арсенал" ва "Реал"нинг собиқ футболчиси Месут Ўзил мадридликлар сафида ўзининг вориси сифатида Арда Гюлерни кўрсатди.

"Гюлер — менинг Мадриддаги ворисим. Менимча, у мендан ҳам каттароқ натижаларга эришади. Унинг ўйинини кузатиш менга ёқади. Арда янада кучлироқ футболчига айланиши мумкин", — деди Ўзил.

21 ёшли туркиялик ярим ҳимоячи 2023 йил ёзида “Реал” сафига қўшилган эди. Унинг “қаймоқранглилар” билан амалдаги шартномаси 2029 йил июнь ойи охиригача мўлжалланган.

Transfermarkt портали Гюлернинг бозор қийматини 90 миллион еврога баҳоламоқда.