"Металлург" яна икки нафар футболчи билан келишувга эришди

Селекцияни фаол тарзда олиб бораётган “Металлург” клуби ўз сафига янги ўйинчиларни қўшиб олишда давом этяпти.

Sports.uz маълумотига қараганда, бекободликлар таркибига “Турон” дарвозасини қўриқлаган Акмал Ортиқов ҳамда “Қўқон-1912” билан хайрлашган ярим ҳимоячи Фарҳод Бекмуродов қўшилишган.

Маълум бўлишича, “Металлург” раҳбарияти ҳар икки футболчи билан шартнома имзолади ва эндиликда улар янги мавсумда бекободликлар шарафини ҳимоя қиладилар.