"Металлург"нинг 2 футболчиси терма жамоада

Осиё чемпионати саралаш учрашувларига тайёргарлик кўраётган Ўзбекистон U-20 терма жамоаси 18 июлдан навбатдаги ўқув-машғулот йиғинига киришди. Бу галги йиғин пойтахтимизда, 2 август кунига қадар давом этади.

Шундан сўнг, Ўзбекистон U-20 терма жамоаси 3 – 13 август кунлари Тожикистонда бўлиб ўтадиган “CAFA-2022” халқаро мусобақасида иштирок этиш учун Душанбе шаҳрига жўнаб кетади.

Ўзбекистон U-20 терма жамоасига чақирув олган номзодлар орасида Бекободнинг “Металлург” жамоасидан ҳам икки ўйинчи бор. Бу ҳақда клуб матбуот хизмати хабар берди. Терма жамоа бош мураббийи Равшан Ҳайдаров мазкур йиғинга “Металлург”дан ярим ҳимоячи Шаҳзоджон Неъматжонов ҳамда дарвозабон Ҳумоюншоҳ Сайётовни жалб этган.