ФИФА раҳбари Эрон ўйинларини АҚШдан Мексикага кўчириш бўйича фикрини айтди

Халқаро футбол федерацияси (ФИФА) президенти Жанни Инфантино Эрон терма жамоасининг 2026 йилги жаҳон чемпионатидаги ўйинларини АҚШдан Мексикага кўчириш эҳтимоли ҳақида фикр билдирди.

- ФИФА жаҳон чемпионатида иштирок этувчи барча жамоалар ҳалол ўйин ва ўзаро ҳурмат руҳида мусобақалашишини истайди. Бизда тақвим бор. Яқин орада 48 та иштирокчи жамоанинг барчаси тасдиқланади ва биз жаҳон чемпионати белгиланган режага мувофиқ ўтишини хоҳлаймиз, - деди Инфантино.

Эрон миллий терма жамоаси Осиё саралаш босқичидан муваффақиятли ўтиб, мундиал йўлланмасини биринчилардан бўлиб қўлга киритган.

Қуръа натижасига кўра, форслар жаҳон чемпионатининг “G” гуруҳига тушган ва бу квартетда Бельгия, Миср ва Янги Зеландия жамоалари ҳам бор. Эрон Янги Зеландия ва Бельгияга қарши Лос-Анджелесда, Миср билан Сиэтлда ўйнаши белгиланган.