Mezbonlarni eng ko‘p xafa qilgan futbolchi kimligini bilasizmi?

Futbolda eng qiyin masalalardan biri raqib maydonida mezbonlar darvozasini ishg‘ol qilish hisoblanadi.

Evropa kuchli beshlik chempionatlarida safar uchrashuvida yuzta va undan ko‘p gol urgan atigi to‘rt futbolchi bor.

Frantsiya chempionatida “Marsel” sharafini himoya qilayotgan Per-Emerik Obameyang “Loryan”ga qarshi uchrashuvda raqiblar darvozasini ikki bor ishg‘ol qildi. Shu tariqa, gabonlik hujumchi raqib maydonida urgan gollari sonini 100 taga etkazdi.

Mezbonlarni eng ko‘p xafa qilgan futbolchi Robert Levandovski hisoblanadi. Polshalik forvard faoliyati davomida raqib maydonida 143 ta to‘p kiritgan.

Harri Keyn bu borada 119 ta gol bilan ikkinchi o‘rinda turgan bo‘lsa, uchinchi pog‘onada safarda 101 ta to‘p kiritgan Chiro Immobile qayd etilgan.