Мезбонларни энг кўп хафа қилган футболчи кимлигини биласизми?

Футболда энг қийин масалалардан бири рақиб майдонида мезбонлар дарвозасини ишғол қилиш ҳисобланади.

Европа кучли бешлик чемпионатларида сафар учрашувида юзта ва ундан кўп гол урган атиги тўрт футболчи бор.

Франция чемпионатида “Марсель” шарафини ҳимоя қилаётган Пьер-Эмерик Обамеянг “Лорьян”га қарши учрашувда рақиблар дарвозасини икки бор ишғол қилди. Шу тариқа, габонлик ҳужумчи рақиб майдонида урган голлари сонини 100 тага етказди.

Мезбонларни энг кўп хафа қилган футболчи Роберт Левандовски ҳисобланади. Польшалик форвард фаолияти давомида рақиб майдонида 143 та тўп киритган.

Ҳарри Кейн бу борада 119 та гол билан иккинчи ўринда турган бўлса, учинчи поғонада сафарда 101 та тўп киритган Чиро Иммобиле қайд этилган.