Михаил Мудрикнинг допинг иши бўйича янги тафсилотлар маълум бўлди

Украиналик журналист Игорь Бурбас «Челси» ва Украина терма жамоаси вингери Михаил Мудрик билан боғлиқ допинг можароси юзасидан янги маълумотлар очиқлади. Журналист айтишича, футболчи томонидан жалб қилинган вакилларда Мудрик танасида топилган тақиқланган модда Украина терма жамоасининг 2024 йил октябрь ойидаги йиғинлари пайтида тушганини тасдиқловчи далиллар бор. Шу билан бирга, Мудрик жамоаси бу ҳолатнинг аниқ тафсилотларини ошкор этиш ниятида эмас.

«Мудрик вакиллари менга шундай маълумот беришди: уларда бу модда футболчи организмига айнан 2024 йил октябрда Украина терма жамоаси йиғини вақтида тушганини исботлайдиган барча зарур далиллар мавжуд. Бироқ улар шуни алоҳида таъкидлашди – бу қандай йўл билан содир бўлгани ҳақида ҳеч қачон очиқ гапирмайдилар. Бу – уларнинг принципиал позицияси», — деб таъкидлади Бурбас ўз подкастида.

Эслатиб ўтамиз, 2024 йил декабрида Мудрикнинг допинг намунасидан мельдоний аниқланган эди. Шундан сўнг футболчи дисквалификация қилинган, аммо кейинчалик унга нисбатан қўлланган жазо бекор қилинган.