"Милан" билан шартномаси якунланган футболчи Россияда тўп суриши мумкин

"Милан" клуби ярим ҳимоячиси Хосе Маури фаолиятини Россияда давом эттириши мумкин.

Calciomercato нашри тарқатган хабарга кўра 23 ёшли футболчининг хизматларига РПЛ грандлари жиддий қизиқиш билдира бошлашган. "Локомотив" ва "Зенит" шулар жумласидандир.

Маълумот учун, Маури ўтган мавсум А Серияда бор йўғи 5та ўйинда иштирок этди ҳолос. Унинг “россонерилар” билан шартномаси эса жорий ёз ўз ниҳоясига етди.