"Милан" бош мураббийи Сусони таркибда олиб қолди

"Милан" клуби вингери Хесус Сусо жамоада қолади. Бу ҳақда Sky Sport Italia нашри хабар тарқатмоқда.

Юқоридаги манбаага кўра 25 ёшли испаниялик футболчини шахсан “россонерилар” бош мураббийи Марко Жампаоло таркибда сақлаб қолишни хоҳлаган.

Таъкидлаш керакки, Сусога "Лион", "Севилья" ва "Рома" каби жамоалардан қизиқишлар мавжуд эди.

Маълумот учун, Сусо ўтган мавсум А Серияда 35та ўйинда майдонга тушиб, ўз ҳисобига 7та гол ҳамда 8та голли узатма ёздириб қўйишга эришган.