"Милан" Доннаруммани 50 млн еврога баҳоламоқда

ПСЖ клуби раҳбарияти дарвозабон Жанлуижи Доннарумманинг трансфери борасида “Милан” клуби билан музокараларни бошлади.

Хабарларга қараганда “россонерилар” 20 ёшли посбонга 50 миллион евро нарх белгилашмоқда. Парижликлар эса ушбу трансферга ўзининг 26 ёшли франциялик дарвозабони Альфонс Ареоляни қўшишни режалаштиришган.

Эслатиб ўтамиз, мавсум якунларига кўра “Милан”дан истеъфога чиқарилган спорт директори Леонардо айни дамда ПСЖда худди шу лавозимда фаолият олиб бормоқда. Доннарумманинг трансфери масаласини ҳам айнан у ижобий ҳал қилиши кутилмоқда.