"Милан" етакчиларидан бири ПСЖга ўтади

"Милан" клуби чап қанот ҳимоячиси Тео Эрнандес катта эҳтимол билан фаолиятини ПСЖда давом эттиради. Бу ҳақда Onda Cero нашри хабар тарқатмоқда.

Юқоридаги манбага кўра, парижликлар 22 ёшли футболчининг трансфери бўйича деярли келишувга эришган. Эрнандес ПСЖ сафида тез орада жамоани тарк этадиган Курзава ўрнини эгаллайди.

Тео Эрнандес жорий мавсум “Милан” сафида 25 та ўйинда майдонга тушди ва 6 та гол ҳамда 3 та голли узатмага муаллифлик қилди. Унинг трансфери эса 32 млн еврога баҳоланмоқда.