"Милан" клуби ҳимоячиси Рикардо Родригес "Эвертон"нинг қизиқишлар доирасига кириб қолди.

Calciomercato нашри тарқатган хабарга қараганда “ирисчилар” швейцариялик футболчини жамоа фахрийларидан бирига айланган ва ёзда жамоадан кетиши кутилаётган Лейтон Бейнсга муносиб ўринбосар сифатида қарашмоқда.

Бу борада “Эвертон”га “Шальке” ва "Боруссия" Дортмунд клублари рақобат қилиши мумкин.

Таъкидлаш керакки, Родригес бу мавсум "Милан"даги ўрнини Тео Эрнандесга бой бериб қўйди ва асосан захирада қолиб кетмоқда. Унинг трансфери 13 млн еврога баҳоланмоқда.