"Милан" футболчиси учун мавсум муддатидан аввал якунланди

"Милан" клуби ҳимоячиси Давиде Калабрия "Лацио"га қарши бўлиб ўтган Италия кубоги ярим финал жавоб баҳсида жароҳат олди.

Клуб расмий сайтининг хабар беришича 22 ёшли италиялик футболчининг жароҳати кутилганидан жиддий бўлиб чиқди. Унинг соғайиши учун тахминан 2 ой муддат талаб этилади. Шундан келиб чиқиб айтиш мумкинки, Калабрия бу мавсум бошқа майдонга туша олмайди.

Маълумот учун, Калабрия жорий мавсум “Милан” сафида жами 33та ўйинда майдонга тушди ва 1та гол ҳамда 1та голли узатмага муаллифлик қилди.