"Милан" Ибрагимовичга қандай шартнома таклиф қилмоқда?

“Милан” клуби “Лос-Анжелес Гэлакси” билан шартномаси якунланган ва эркин агентга айланган ҳужумчи Златан Ибрагимовични яна ортга қайтариш масаласида ишларни давом эттирмоқда.

La Gazzetta dello Sport нашрининг ёзишича “россонерилар” 38 ёшли швециялик футболчига 6 ойлик шартнома таклиф қилмоқда. Таъкидлаш керакки, ушбу келишув  кейинчалик яна 1 йилга узайтирилиши мумкин. Златан ушбу 18 ой давомида жами 6 млн евро маош олиши мумкин.

Юқоридаги манбаага кўра Ибрагимович ушбу таклифдан сўнг “Милан” спорт директори Звономир Бобан билан гаплашган ва якуний қарорга келиш учун 1-2 ҳафта муддат сўраган.

Эслатиб ўтамиз, “Милан” Ибрагимович учун бегона эмас. Боиси, у 2010-2012 йилларда “россонерилар” шарафини ҳимоя қилган.