"Milan" Romanolini "Barselona"ga sotmadi

"Barselona" klubi rahbariyati "Milan" himoyachisi Alessio Romanolining transferi masalasida kelishuvga erisha olmadi. Bu haqda Tuttosport nashri xabar tarqatmoqda.

Unga ko‘ra kataloniyaliklar 24 yoshli futbolchi uchun “rossonerilar”ga 40 million evro taklif qilishgan. Biroq, yakunda rad javobini olishgan.

Gap shundaki, "Milan"ning yangi bosh murabbiyi Marko Jampaolo Romanolini yangi mavsumda tarkibda ko‘rmoqchi.

Eslatib o‘tamiz, bundan avvalroq milanliklar Romanoli masalasida “Yuventus”ning taklifini ham rad etishgan edi.

Ma’lumot uchun, Romanoli o‘tgan mavsum “Milan” safida 41ta o‘yinda maydonga tushdi va 2ta gol urishga erishdi. Uning klub bilan amaldagi shartnomasi 2022 yilga qadar imzolangan.