"Милан" йирик ҳисобда ғалаба қозонди ва пешқадамлар сафига қўшилди

Италия А Серияси 3-туридан ўрин олган "Милан" - "Специя" учрашуви якунланди. Унда мезбонлар 3:0 ҳисобида ғалаба қозонди.

"Россонерилар" сафида Рафаэль Леао дубль қайд этган бўлса, Тео Эрнандес ўз номини бир бор таблога ёздириб қўйишга муваффақ бўлди.

Ушбу ғалабадан кейин миланликлар турнир жадвалида 9 очко жамғарган ҳолда, "Аталанта" билан қўшҳокимлик ўрнатган.

• 90+3'
  

  Учрашув якунланди! Матнли трансляция Жавоҳир Азимов томонидан олиб борилди!

• 90'
  

  Асосий вақтга 3 дақиқа қўшилди.

• 86'

  Тео рақиб жарима майдони ичида йиқилиб тушди. Ҳакам унга ўрнидан туриши кераклигини уқтирди.

• 83'
  

  Даниэль Мальдини майдонга тушди. У дубль муаллифи Рафаэль Леаони алмаштирди.

• 82'
  

  Теонинг кучли зарбасини дарвозабон қайтаришга муваффақ бўлди.

• 78'
  

  ГООООООООООЛЛЛЛЛЛЛ!

  Леао керакли жойда пайдо бўлишни уддалади. Кессининг узатмасини Рафаэль дарвозага йўллади.

• 77'
  

  Мора ҳамда Бартоломей майдонга тушди. Уларнинг ўрнига Гьяси ва Побега захирага олинди.

• 76'
  

  ГООООООООООЛЛЛЛЛЛЛ!

  Тео Эрнандесдан соло гол! Марказда тўпни олиб қўйган ҳимоячи жарима майдони ичидан аниқ зарба йўллаб, ҳисобни ишончли кўринишга келтирди.

• 72'

  Чалханўглунинг зарбаси ўзи кутгандек чиқмади.

• 70'
  

  Йенс Хауге ўз дебютини нишонлайди! У Браим Диас ўрнига майдонга тушди.

• 67'

  Майдон эгалари ҳисобдан қониқаётганга ўхшайди. Улар марказда тўп назоратини эгаллаб турибди.

• 65'
  

  Доннарумма яна бир бор ўзини кўрсатди. Меҳмонлар футболчисининг зарбаси кучли чиққан эди.

• 62'

  "Россонерилар" орқа чизиқда тўпни назорат қилмоқда.

• 59'
  

  Меҳмонлар устози ҳам ўзгариш амалга оширди: Женнаро Акомпора Риччи ўрнига ўйинга қўшилди.

• 58'
  

  Тонали ҳамда Крунич захирага олинди. Уларнинг ўрнига Кесси ва Беннасер майдонга тушди.

• 57'
  

  ГООООООООООЛЛЛЛЛЛЛ!

  Чалханўглунинг ажойиб узатмасини Рафаэль Леао голга айлантирди.

• 56'

  Майдон эгаларида яна бир яхши стандарт вазият юзага келди.

• 53'
  

  Бурчакдан оширилган тўпни Доннарумма муштлари билан уриб юборди.

• 51'

  Диаснинг жарима майдони ташқарисидан берган зарбаси ноаниқ кетди.

• 48'

  Иккинчи бўлимни меҳмонлар фаолроқ бошлади.

• 46'
  

  Иккинчи тайм бошланди.

• 46'
  

  бўлимлар оралиғида "Милан"да ўзгариш: Хакан Чалханўглу Лоренцо Коломбо ўрнига майдонга тушди.

• 46'

  Футболчилар майдонга қайтмоқда. Биз ҳам қайтамиз.

• 45+3'
  

  Танаффус!

• 45+1'
  

  Рақиби билан тўқнашиб кетган Кьерга тиббий ёрдам кўрсатилмоқда.

• 45'
  

  Биринчи таймга 2 дақиқа қўшиб берилди.

• 45'
  

  Бўлим сўнгида олдинга ўтган меҳмонлар вингери Верденинг зарбасини Доннарумма қайтарди.

• 43'

  Қанотдан узатилган тўпга боши билан зарба берган Браим Диас мўлжалда адашди.

• 42'

  Теонинг кучли зарбаси ҳимоячилардан ўтмади.

• 40'
  

  Браим Диасни бу сафар қўполлик билан тўхтатган Гьяси жазоланди.

• 37'

  Назорат миланликларда. Аммо хавфли вазиятлардан дарақ йўқ.

• 35'

  Меҳмонлар марказда Тео Эрнандесга қарши қўпол ўйин кўрсатди.

• 33'
  

  Жароҳат олган Галабинов ўрнига Роберто Пикколи майдонга тушди.

• 32'
  

  Браим Диасдан алданиб, уни қўллари билан ушлаб қолган Риччи огоҳлантирилди.

• 31'
  

  Галабинов жароҳат олди ва майдонни тарк этди.

• 29'

  Сала тўпни ўзидан узоқлаштириб юборди. Натижада, вазият бой берилди.

• 27'

  Тео Эрнандес ҳужумда ҳам, орқа чизиқда ҳам бирдек фаол ўйин кўрсатмоқда.

• 24'

  Мезбонларнинг бу сафарги ҳужуми ҳам бесамар якунланди.

• 21'
  

  Калабрия ўз дарвозасини ишол қилиб қўйишига бир баҳя қолди. Аммо Доннарумма вазиятни бартараф этди.

• 20'

  Пиоли шогирдлари ажойиб комбинациялар уюштирмоқда. Лекин доим ҳам бу кутилганидек фойда келтирмаяпти.

• 18'

  Кьернинг зарбаси жуда ҳам ноаниқ кетди.

• 17'

  Майдон эгалари жарима майдони яқинида стандарт вазият эгаллаб олди.

• 15'

  Меҳмонлар яхши ҳимояланмоқда. "Милан" футболчиларининг узатмалари доим ҳам ўтавермаяпти.

• 13'

  Ноаниқ пас сабабли "россонерилар" ҳужуми узилиб қолди.

• 11'

  Тўп назорати "Специя"да. Мезбонлар прессинг уюштирмоқда.

• 9'

  Меҳмонлар ҳужумда қоида бузди.

• 8'

  Леао жарима майдони ичида зарба йўллай олмади.

• 6'
  

  Даниеле Верди жароҳат олди.

• 5'

  Тео Эрнандес ҳимояда ишончли ўйнаб, хавфни бартараф этди.

• 3'

  Ўйин бошида ҳар икки жамоа бир-бирини ўрганмоқда.

• 1'
  

  Учрашувга старт берилди!

• 0'

  Футболчилар майдонга тушиб келди. А Серия мадҳияси янграмоқда.