"Милан" ёзда 2 та футболчини текинга қўлга киритмоқчи

"Милан" раҳбарияти ёзги трансферлар даврида жамоа таркибини 2 нафар эркин агент билан кучайтирмоқчи.

Tuttosport нашрининг хабар беришича, "россонерилар" мавсум якунлангач "Порту" ярим ҳимоячиси Отавио ҳамда "Марсель" ярим ҳимоячиси Флориан Товенни эркин агент сифатида текинга ўз сафига қўшиб олмоқчи. Айтиш лозимки, ушбу икки футболчининг ҳозирги клублари билан амалдаги шартномаси ёзда ўз ниҳоясига етади.

25 ёшли Отавионинг айни дамдаги трансфер нархи 21 млн евро, 28 ёшли Товенники эса 32 млн еврони ташкил этади.