"Милан"нинг уругвайлик футболчиси "Спартак"га ўтиши мумкин

"Милан" ярим ҳимоячиси Диего Лаксальт фаолиятини Россия премьер-лигаси гранди сафида давом эттириши мумкин.

Италиялик журналист Вито Анжеле тарқатган хабарга кўра, 27 ёшли уругвайлик футболчига “Спартак” қизиқиб қолган. Унга москваликлардан ташқари “Олимпиакос” ҳам кураш олиб бормоқда. “Россонерилар” эса уни 10 млн евро эвазига қўйиб юборишга тайёр.

Лаксальт ўтган мавсум 23 та ўйинда майдонга тушди ва 1 та голга ассистентлик қилди. Унинг “Милан” билан амалдаги шартномаси эса 2022 йилга қадар тузилган.