Миочич:"Бу ҳақида ўйласам, ўзимни ноқулай ҳис қиламан"

Оғир вазн(120 кг)да собиқ UFC чемпиони, америкалик Стипе Миочич баҳорда 18 ойлик ўғлидан айрилган камерунлик Фрэнсис Нганнуга ҳамдардлик билдирди.

“Бу даҳшатли, мен унга энг яхши тилакларимни тилайман ва ҳамдардлик билдираман. Менинг ҳам икки фарзандим бор. Улар билан шундай воқеа бўлишини ўйласам, ўзимни ноқулай ҳис қиламан. Нганну нималарни бошдан кечираётганини билмайман...лекин мен у биланман”, - деди Миочич CBS Sports телеканалига берган интервьюсида.

Эслатиб ўтамиз, март ойида бўлиб ўтган сўнгги бокс жангида Нганну(0-2) икки карра жаҳон чемпиони британиялик Энтони Жошуа(28-3, 25 KO)га нокаут билан мағлуб бўлган эди.