Миразизбек Мирзаҳалилов ва Мужибилло Турсунов Тошкентда камар учун жанг қилади

Профессионал бокснинг Lift Promotions компанияси навбатдаги бокс оқшомини 16 июнь куни Ҳумо Аренасида ўтказиши ҳақида хабар берган эдик.

Маълум бўлишича, машҳур ҳаваскор боксчиларимиздан бири Миразизбек Мирзаҳалилов (2-0, 2KO) 53 кгда навбатдаги проф жангини ўтказади. Унга қозоғистонлик Нурслан Сабиров (7-2, 3КО) рақиблик қилади ва баҳс WBАʼнинг Осиё минтақавий камари учун бўлиб ўтади. 

Қолаверса, 63,5 кгдаги турнир финалида Мужибилло Турсунов (2-0, 1KO) ва Қозоғистон вакили Дилшат Нурим (6-0, 3KO) тўқнашуви ҳам WBC Осиё минтақавий камари учун бўлади. 

Маълумот учун, мазкур оқшомда собиқ жаҳон чемпиони британиялик Пол Батлер ва яна бир қанча боксчилар ўз жангларини ўтказади.