Миржалол Қосимов: Бир-бирига муносиб жамоалар тўқнаш келди

Coca Cola Суперлигаси 17-туридан ўрин олган АГМК - "Қизилқум" (2:1) баҳсидан сўнг мезбонлар устози Миржалол Қосимов ўз фикрлари билан ўртоқлашди. Бу ҳақда клуб матбуот хизмати хабар берди.

- Бир-бирига муносиб жамоалар тўқнаш келди. Қайсидир маънода дерби бўлди. Курашларга бой, жанговор ўйин кечди. "Қизилқум" жамоаси иккинчи даврада яхши савиядаги футболчиларни сафига қўшиб олди. Қолаверса, охирги ўйинларда ёмон натижалар қайд этишмади. Бугун ҳеч қайси жамоа мағлубиятга учрагиси келмади.

Биринчи таймда ўзимизнинг хатомиз эвазига гол ўтказиб юбордик. Бу эса бизни янада олдинга боришга мажбур қилди. Рақиб сафидаги Эркин Байдуллаевнинг майдондан четлатилиши имкониятларимизни оширди, дейишим мумкин. Ҳақли равишда ғалабани қўлга киритдик. "Қизилқум" жамоасига кейинги ўйинларда омад тилаб қоламан, - деди Миржалол Қосимов.

Матнда хатолик топсангиз, ўша хатони белгилаб, бизга жўнатинг (Ctrl + Enter)