Миржалол Қосимов: Ҳар қандай мусобақада финалга чиқиш ёқимли

Ўзбекистон лига кубоги ярим финалида АГМК ўз майдонида "Динамо"ни 3:0 ҳисобида мағлубиятга учратди. Ўйиндан сўнг олмалиқликлар устози Миржалол Қосимов ўз фикрларини билдириб ўтди. Бу ҳақда клуб матбуот хизмати хабар берди.

- Финалга чиққанимиздан хурсандмиз. Ҳар қандай мусобақада финалга чиқиш ёқимли. Лига Кубоги ҳам ўзига яраша тарих. Мавсум сўнггида ҳар уч кунда ўйин бўлмоқда, шу боис таркибда баъзи ротацияга қўл урдик. Биринчи голдан кейин йигитлар бироз хотиржамликка берилишди. Футболда бундай ҳолатлар руй бериб туради. Лекин иккинчи таймда барчасини жойига қўйдик ҳамда керакли натижага эришиб, финалга чиқдик, - деди Қосимов.