Хабарингиз бор, ўтган мавсум Олий Лигада ажойиб ўйин кўрсатган "Бухоро" жамоаси айни пайтда Тошкентда йиғин ўтказмоқда. Йиғин давомида бухороликлар бир нечта янги футболчиларни кўрикдан ўтказишмоқда.

Бугун Чилонзордаги "Пахтакор" футбол клби академиясининг сунъий қопламали майдонида "Бухоро" жамоаси Фарғонанинг "Нефтчи" жамоасига қарши назорат учрашувида майдонга тушди. Томонлар нурсиз дуранг натижа қайд этган ўйинда "Бухоро" жамоаси таркибида ўтган мавсумда "Қўқон-1912" жамоаси шарафини ҳимоя қилган Миржалол Қурбонов кўрикдан ўтмоқда. Футболчининг жамоада қолиш ёки қолмаслиги йиғин давомида маълум бўлади.

Эслатиб ўтамиз, янги мавсум аввалида "Бухоро" жамоасини бир қатор етакчи футболчилар тарк этаётгани ҳақида хабар берган эдик. Шу важдан жамоа раҳбарияти йўқотишлар ўрнини мавсм бошлангунигача тўлдиришни мақсад қилганлар.

• Максимилиан Фомин Уммон клуби сафида кўрикдан ўтмоқда
• Шавкат Саломов Қозоғистон клубида кўрикдан ўтмоқда (Фото)
• Самвел Бабаян Ўзбекистон термасининг БААдаги йиғини учун таркибни эълон қилди
• Жамшид Саидов: "Бухоро"нинг асосий мақсади ОЧЛда иштирок этиш