Миср Африка футболи тарихидаги бешинчи муваффақиятни қайд этди

Миср терма жамоаси Жаҳон чемпионати 1/16 финалида Австралияни пенальтилар сериясида мағлуб этиб, 1/8 финалга йўл олди. Шу тариқа, мисрликлар мундиал тарихида плей-офф босқичидан ўта олган Африканинг бешинчи терма жамоасига айланди.
⠀
Бу йўлдаги илк тарихий натижа 1990 йилда Камерун томонидан қайд этилган эди. Италияда ўтган мундиалда камерунликлар барчани ҳайратда қолдириб, чорак финалгача етиб борган.
⠀
Кейинги муваффақият 2002 йилда Сенегал ҳиссасига тўғри келди. Африка вакили ўзининг дебют Жаҳон чемпионатидаёқ чорак финалга чиқишга муваффақ бўлган.
⠀
2010 йилда Гана ярим финалга чиқишга жуда яқин келганди. Бироқ чорак финалда Уругвайга пенальтилар сериясида имкониятни бой бериб, тарихий натижадан бир қадам ортда қолган.
⠀
Сўнгги йилларда эса Марокаш Африка футболининг янги рамзига айланди. Жамоа 2022 йилги мундиалда икки плей-офф баҳсида ғалаба қозониб, ярим финалгача етиб борган бўлса, 2026 йилги Жаҳон чемпионатида ҳам плей-офф босқичидан муваффақиятли ўтишга эришди.
⠀
Энди эса Миср ҳам ушбу нуфузли рўйхатдан жой олди ва Африка футболининг Жаҳон чемпионатларидаги яна бир муҳим саҳифасини ёзди.