МЛС клуби Роббен билан шартнома имзоламайди

Канаданинг “Торонто” клуби ёзда “Бавария” вингери Арьен Роббен билан шартнома имзолаши ҳақида тарқалган хабарларни мутлақо инкор этди. Бу ҳақда ESPN муҳбири Тэйлор Туэллмен хабар берди.

Эслатиб ўтамиз, бундан аввалроқ МЛСда иштирок этувчи ушбу жамоа 35 ёшли голландиялик футболчи билан 2019 йилнинг охиригача шартнома имзолаши ҳақида хабарлар тарқалган эди.

Маълумот учун, Роббен ва “Бавария” жамоалари ўртасидаги шартнома мавсум якунлангач ўз ниҳоясига етади.