ММА: Бугун яна бир ўзбек ўғлони чемпион бўлиши мумкин!

Хабарингиз бор, бугун Абу Даби шаҳрида "UAE Warriors 55" турнири бўлиб ўтади. Марказий жангда ҳамюртимиз Ҳотамжон Бойназаров( 9-0) ушбу промоушеннинг амалдаги чемпиони озарбайжонлик Тахир Абдуллаев (15-2)билан баҳс юритади. 
Шунингдек, яна икки вакилимиз Камронбек Ортиқов (3-1) доғистонлик Мурад Маганевга (2-0) қарши жанг қилса, Акбаржон Исломбоев (8-1) британиялик Бен Роялга(8-2)қарши октагонга кўтарилади. Шуни алоҳида таъкидлаб ўтиш керакки, Хотамжон Бойназаров ушбу жангдаги ғалаба билан нафақат чемпионлик камарини қўлга киритади. Катта эҳтимол билан ушбу муваффақият юртдошимизни UFC томон етаклайди. Ҳа, 26 октябрь куни Абу-Дабида "UFC 308" турнири ташкил этилади. Шунинг учун Дана Уайтдан тортиб Шон Шелбигача барчаси Абу-Дабига етиб келган ва улар бугун ҳамюртларимиз иштирокидаги жангларни бевосита томоша қилиб боради. Эҳтимол, Камрон ҳамда Акбаржон ҳам уларнинг қизиқишига сабаб бўлиб қолар. Ким билади, дейсиз!
Хуллас, бугунги жангда яна бир чемпионлик камари Ўзбекистонга келиши мумкин! Барчасига омад тилаймиз!

Жанглар Тошкент вақти билан 20:00 дан старт олади. Жангга яқин қаерда ҳамюртларимизнинг чиқишини сифатли тарзда томоша қилиш имкониятини маълум қиламиз. Воқеалар ривожини бизда кузатиб боринг!