Таниқли курашчи тўй базмини жанжал майдонига айлантирди

АҚШда келиннинг қизлар базми бўлаётган эди.

Тўсатдан ака-ука Жоржио ва Николас Пуллас ўз синглиси(бўлажак келин)ни ҳақорат қила бошлаган. Кейин Николас синглисини туртиб юборган. Буни кўрган куёв ва унинг укаси аралашгач, катта муштлашув бошланиб кетди.

Жанжал вақтида Николас куёвни бир неча марта урган, у йиқилгандан кейин ҳам тепишда давом этган. Куёвнинг укаси ёрдам бермоқчи бўлганида, Жоржио уни ушлаб, ойнали стол устига отиб юборган. Натижада у столни синдириб юборган ва жабрланувчи тан жароҳати олган.

Полиция келганда ака-укалар воқеа жойидан қочиб кетган. Уларни кейинчалик қўшни уй ёнидаги буталар орасидан топишган. Жоржио Пуллас оғирроқ айблов билан ҳибсга олинганди, бироқ кейин 1500 доллар гаров эвазига қўйиб юборилди. Николас Пуллас эса енгилроқ айблов (оддий ҳужум) билан айбланмоқда.