Модрич: “Реал”га қайтиб, фойда келтиришни истайман

«Милан» клуби ва Хорватия терма жамоаси ярим ҳимоячиси Лука Модрич яна бир бор мадридлик «Реал»га қайтиш истагини билдирди.

У 41 ёшда бўлишига қарамай, «Қироллик клуби»га қайтишни ўйинчи сифатида эмас, фаол ўйинчилик фаолиятини якунлагандан кейин янги мақомда тасаввур қилмоқда.

- Мен «Реал»га қайтгим келади, лекин бу қайтиш фойда келтирадиган, самарали бўлишини истайман – «Реал» учун ишлашни хоҳлайман, «Реал»да эмас. Бундай бўлиши учун кўп нарса мос тушиши керак, – дея Лука Модричнинг сўзларини келтиради Madrid Universal нашри.

Модрич мадридликлар сафида 2012 йилдан 2025 йилгача тўп сурган. Ҳозирда унинг «Милан» билан амалдаги шартномаси келаси ёзгача мўлжалланган. Футболчи ҳали 2027 йилда фаолиятини якунлаш борасида қатъий қарор қабул қилмаган.