Модрич Роналдусиз қолган "Реал" ҳақида: Биз бир футболчига боғланиб қолмаганмиз

"Реал" ярим ҳимоячиси Лука Модрич "Ювентус"да тўп сураётган собиқ жамоадоши Криштиану Роналду ҳақида ўз фикрини билдирди.

“Роналду билан бирга ўйнаш ажойиб эди. Биз 7 йилни бирга ўтказдик. Ишлар яхши кетмаётган бўлса, Роналду ўз маҳорати билан ўйин тақдирини ҳал қила олади. Ўйин пайтида ҳам, машғулотларда ҳам у қойил қолдиради. Ундан ҳамиша ўзгача нарсаларни кутиш мумкин.

Икки йилдан буён Роналду биз билан эмас, аммо биз ҳали ҳам бир жамоа бўлиб ўйнаяпмиз. Биз бир футболчига боғланиб қолмаганмиз”, - дейди хорватиялик футболчи.