Мокаев кўплаб промоушенлар таклифини рад этмоқда

Собиқ UFC жангчиси Муҳаммад Мокаев энг катта промоушенда  жанг қилишни ҳали ҳам хоҳлашини исботлаб қўйди.

"Мен билан боғланган ва таклиф билан чиққан барча промоушенларга раҳмат айтаман - Brave FC, Rizin, PFL, Karate Combat, ACA. Менга бўлган ишонч учун миннатдорман, лекин мен жамоам билан UFC га қайтишга ҳаракат қиляпман. Қўлингиздан келса илтимос, ёрдам беринг", – деб ёзди Мокаeв X да.

Эслатиб ўтамиз, "UFC 304" мусобақасида Мокаeв(13-0-1 N/C) ҳакамларнинг якдил қарори билан Манел Капени(19-7) мағлуб этганди. Турнирдан кейин ташкил этилган матбуот анжуманида промоушен раҳбари Дана Уайт британиялик билан шартномани узайтирмаслигини маълум қилди.