Мокаев: "Унинг отаси UFC нинг ТОП 15 таликдаги йигитлари билан бемалол жанг қила олади"

UFC нинг супер енгил вазн тоифасида мағлубиятсиз серия қайд этаётган Муҳаммад Мокаев оғир вазн тоифасида вақтинчалик чемпион Том Аспиналл ва унинг отаси Энди ҳақида гапирди.

 "Мен улар билан танишган пайтимда, Том болаларга, отаси эса катталарга мураббийлик қилар эди. Аспиналл тунлари ҳам қоравул сифатида залда қолар ва ой нурида машғулот ўтказарди. Баъзан эрталаб соат учгача уйига бормасди. Томнинг ажойиб дадаси бор.  Менимча, у UFC га келса, ТОП 15 таликдаги йигитлар билан бемалол жанг қила олади. Энди жуда кучли зарбага эга, жиу-житсуни ҳам билади. Унинг услуби ММА да жуда яхши ишлайди”, – деди Мокаев Title Sports Network  нашрига берган интервьюсида.

Эслатиб ўтамиз, 27 июль куни Манчестер шаҳрида бўлиб ўтадиган "UFC 304" турнирида Мокаев(12-0) Манел Капe(19-6) билан жанг қилади. Аспиналл(14-3) худди шу мусобақада Кёртис Блейдс(18-4-1 N/C)га қарши октагонга чиқади.