"Монако" жамоа мураббийи билан шартномани узайтирди

Адольф Хюттер "Монако" билан шартномани узайтирди. Бу ҳақда клуб ўз ижтимоий тармоғида расман эълон қилди.

Ўтган мавсум "Боруссия Мюнхенгладбах" жамоасидан келган мураббий билан яна икки йилга мўлжалланган шартнома имзоланди. Австриялик мураббий мавсумнинг иккинчи қисмини ажойиб тарзда ўтказиб, Лига 1да 2-ўрин ва Чемпионлар лигаси учун саралаш йўлланмаси билан якунлади.

"Монако" Адольф Хюттер билан шартномани яна икки мавсумга узайтирганини мамнуният билан эълон қилади. Австриялик мураббий 2027 йилнинг 30 июнига қадар клубда фаолият юритади"

Эслатиб ўтамиз, Хюттернинг клуб билан аввалги шартномаси мавсум якунига қадар мўлжалланган эди.