МОҚ раиси Рустам Шоабдураҳмонов лавозимини тарк этди

Бугун Ўзбекистон Миллий Олимпия қўмитаси Ижроқўмининг навбатдан ташқари йиғилиши бўлиб ўтди. Бу ҳақда МОҚ матбуот хизмати хабар берди.

Кун тартибидан ўрин олган асосий масала 2019 йилнинг май ойидан бери МОҚ раиси лавозимида ишлаб келган Рустам Шоабдураҳмоновнинг ўз ҳоҳишига кўра ёзган аризасини кўриб чиқиш эди.

Йиғилишда сўзга чиқар экан, Р.Шоабдураҳмонов сўнгги йилларда давлат раҳбарининг жисмоний тарбия ва спортга қаратаётган улкан эътибори, соҳада амалга оширилаётган кенг кўламдаги ислоҳотлар, яратиб берилаётган шароитлар, мамлакатимизда аҳоли саломатлигини мустаҳкамлаш ва соғлом турмуш тарзини тарғиб қилишдаги хизматларини алоҳида эътироф этди ва бунинг учун муҳтарам Президентимизга миннатдорлик билдирди.

Ўз навбатида Р.Шоабдураҳмоновнинг аризаси Ижроқўм аъзолари томонидан қабул қилинди.

Миллий Олимпия қўмитасига янги раҳбар МОҚнинг навбатдан ташқари Бош Ассамблеяси йиғилишида сайланади.

Фикрлар

Саралаш
Фикр қолдириш учун авторизациядан ўтинг!
Aziz Yuldashev
17/02/2022 13:07
Буни кутгандик, youtube да бу мавзуда анча аввалроқ пайдо бўлганди миш мишлар
Жавоб ёзиш
Baxil Alihuja
17/02/2022 13:15
МОК порахурларни уяси! Ойбек Косимов кандай келиб колгани умуман номаълум! МОК да спортчилар ва спортни тушунадиганлар ишлаши керак. Лекин таниш-билишчилик килиб жойлашиб олган билимсиз нусхалар ишлайди. Ойбек Косимов хатто интервью бериш уёкда турсин, маъсулият ва жавобгарлик нималигини хам билмайди.
Жавоб ёзиш
Aziz Yuldashev
Baxil Alihuja
17/02/2022 16:10
Ва натижалар хам жуда ёмон бўляпти йилдан йилга
Жавоб ёзиш
Baxil Alihuja
Baxil Alihuja
18/02/2022 10:12
афсуски шундай
Жавоб ёзиш