Моратанинг трансфери "Атлетико"га қанчага тушди?

"Атлетико" Мадрид ҳужумчи Альваро Моратанинг трансфери учун "Челси"га қанча маблағ тўлагани маълум бўлди.

Sky Sports тарқатган хабарга кўра 26 ёшли футболчи “матрасчилар”га 65 млн еврога тушган.

Эслатиб ўтамиз, мадридликлар Моратани жорий йилнинг январида “аристократлар”дан 18 ойга ижарага олишган эди.

Маълумот учун, “Челси” Моратани 2017 йил “Реал” Мадриддан 66 млн евро эвазига сотиб олган эди. У ўтган давр мобайнида лондонликлар сафида жами 72та ўйинда майдонга тушди ва ўз ҳисобига 24та гол ҳамда 2та голли узатма ёздириб қўйишга эришди.