Морьентес Роналду ёки Месси танловида: Сиз отангизни кўпроқ яхши кўрасизми ёки онангизними?

"Реал" собиқ ҳужумчиси Фернандо Морьентес Криштиану Роналду ва Лионель Месси ўртасидаги танлов ҳақидаги саволга жавоб берди.

Месси "The Best" совринини қўлга киритди. Сизнингча, у бунга муносибмиди?

Ким Мессини лойиқ эмас деб ҳисоблайди? Менга майдонда Мессидан кўпроқ меҳнат қилган футболчини кўрсатинг!

Мукофотни унга беришди, бошқа футболчига эмас. Бу терма жамоаларнинг сардорлари ва бош мураббийларининг овоз беришлари орқали аниқланди. Мен уларни тўғри чунаман. "Барса" ЧЛда ғолиб бўлмаган бўлсада, у ажойиб мавсумни ўтказди.

Сизни бирор-бир топ жамоанинг бош мураббийи деб тасаввур қилсак, жамоангизга Роналдуни олармидингиз ёки Мессини? Сизда фақат биттасини танлаш имкони бор.

Унда, менинг жавобим шундай: Сиз отангизни кўпроқ яхши кўрасизми ёки онангизними? Менга шундай қийин савол бердингиз (кулади).

Шунинг учун, мен Жоау Фелишни танлаган бўлардим. у 19 ёшда ва узоқ вақт юқори савияда ўйнай олади," - деди Морьентес.