Москвага кетаётган Жалолиддиновнинг ҳақиқий трансфер нархи қанча?
“Бунёдкор” футболчиси Жасур Жалолиддинов манфаатларини ҳимоя қилаётган Юрий Белоус журналистлар билан суҳбатда ўзбек футболчисининг ҳақиқий суммасини ошкор этишни истамади.
Журналистлардан бири трансферга бош-қош бўлган таниқли футбол мутахассисидан Жалолиддинов учун москваликларга 350 минг евро тўлаши айтилганини, лекин Transfermarkt порталида бу трансфер нархини 450 минг евро кўрсатилганини айтиб, “Локомотив” ўзбек футболчиси учун аслида қанча тўлаганини сўради.
Юрий Белоус бунга жавобан, Жасур Жалолиддиновнинг трансфер суммасини ошкор қилишни истамаслигини, буни муҳокама қилиш унинг ва журналистларнинг иши эмаслигини таъкидлади.
Яқинда россиялик мутахассис Жасур Жалолиддинов тез орада “Локомотив” етакчисига айланишига ишонишини ҳақида ҳам интервью берганди.
Фикрлар