Моуриньо юлдузларнинг келажаги бўйича ўз позициясини билдирди
Мадриднинг «Реал» жамоаси бош мураббийи Жозе Моуриньо клуб раҳбарияти билан жамоанинг уч етакчи футболчиси келажагини муҳокама қилгани хабар қилинмоқда.
Португалиялик мутахассис клуб бошқарувига Винисиус Жуниор, Килиан Мбаппе ва Жуд Беллингемни жамоада сақлаб қолишни исташини маълум қилган, деб ёзади The Touchline нашри. Мбаппе ва Беллингем бўйича жиддий саволлар йўқлиги айтилмоқда, аммо Винисиуснинг эҳтимолий кетиши сўнгги ҳафталарда фаол муҳокама қилинмоқда. Бразилиялик ҳужумчи қанот ўйинчиси билан Лондоннинг «Арсенал» клуби қизиқаяпти, деган хабарлар кўпайган.
«Реал» Винисиус билан шартномани узайтириш бўйича музокараларни давом эттирмоқда, аммо ҳозирча келишувга эришилмади. 26 ёшли вингернинг амалдаги шартномаси келаси йил июнь ойи охирида ўз ниҳоясига етади.
Фикрлар