Mourin'yo Vinisiusni "Real" asosiy tarkibidan chiqarib tashlamoqchi

«Real Madrid»ning vingeri Vinisius Zhunior joriy mavsumni unchalik ishonchli boshlamadi.

Braziliyalik futbolchi hozircha o‘zining eng yaxshi sport formasidan ancha yiroq, degan fikrlar ko‘paygan. Ushbu mavsumda «Qirollik klubi» safida maydonga tushgan sakkiz o‘yinda Vinisius faqat bir bor gol urdi va uchta golli uzatma amalga oshirdi. 

Madrid Universal nashri ma’lumoticha, agar yaqin o‘yinlarda uning o‘yini sezilarli darajada yaxshilanmasa, futbolchi asosiy tarkibdagi o‘rnidan ayrilishi mumkin. 

Jamoa bosh murabbiyi Joze Mourin’yo 26 yoshli yulduzdan jiddiy o‘zgarish kutayotgani va zarurat bo‘lsa keskin qarorlar qabul qilishga tayyor ekani aytilmoqda.

Shanba kuni «Real» La Liganing sakkizinchi turi doirasida o‘z maydonida «Vilyarreal»ni qabul qiladi. Hozirgi paytda madridliklar turnir jadvalida to‘rtinchi o‘rinni egallab turibdi va peshqadam «Barselona»dan olti ochko orqada qolmoqda.