Моуриньо: "Баъзида чемпионликни қўлга киритиш учун дуранг ўйнаш керак"

Португалия чемпионатининг 8-турида  "Бенфика" - "Порту" жамоалари ўртасидаги марказий учрашув бўлиб ўтди (0:0). Учрашувдан сўнг Жозе Моуриньо матбуот анжуманида иштирок этиб, беллашув ҳақида фикрларини билдирди.

"Рақиб бизни ҳурмат қилди ва таваккал қилмади. Иккинчи бўлимда улар бир неча ўзгаришлар қилганидан сўнг биз ўйинни ўз назоратимизга олдик ва ютқазмадик. "Бенфика" ғалаба учун ўйнайди, аммо чемпионлик учун ҳам курашади. Баъзида чемпионликни қўлга киритиш учун дуранг ўйнаш керак бўлади. Бугунги ўйин шундай ўйин эдики, унда ғалаба учун интиласиз, аммо мағлуб бўлмаслигингиз зарурлигини биласиз. Футболчилар майдонда диққатни жамлаш ва ҳиссиётларни бошқариш нуқтаи назаридан ўзларини ажойиб тарзда кўрсатишди. Бу яхши ўйин бўлди, гол уришга имкон бўлмади. Бунга кимдир айбдор деб ўйламайман, аммо масъулият иккала жамоага ҳам тенг тақсимланди", - деди португалиялик мутахассис.

Маълумот учун, Моуриньо бошчилигидаги "Бенфика" ички чемпионатда 8 та учрашув ўтказиб, 18 очко жамғарган ҳолда, турнир жадвалининг учинчи поғонасида бормоқда. Ундан юқори ўринларда "Спортинг" 19 очко билан иккинчи ўринда, биринчи ўринни 22 очко билан "Порту" банд қилиб турибди.