Моуриньо Бенземанинг "Олтин тўп"ни қўлга киритишига муносабат билдирди

"Рома" бош мураббийи Жозе Моуриньо "Реал" ҳужумчиси Карим Бензема "Олтин тўп"ни қўлга киритганига муносабат билдирди.

“Карим — фантастик футболчи, у ажойиб характерга эга жамоавий ўйинчи. Бензема "Олтин тўп"га ёки бошқалардан кўра кўпроқ гол уриш истагига қаттиқ боғланиб қолмаган. У шунчаки жамоавий ўйинчи. Карим шунчалик кўп иш қиладики, "Олтин тўп"ни қўлга киритгани мен учун табиий ҳолат", — деб Моурино сўзларини келтирмоқда Миррор.

Жозе Моуриньо Бензема билан "Реал"да бирга ишлаган, португалиялик мутахассис 2010-2013 йилларда Мадрид грандини бошқарган.

34 ёшли футболчи ўтган мавсум "Реал" билан Ла Лига ва Чемпионлар Лигасида ғолиб чиқди ва ҳар иккала мусобақада ҳам энг яхши тўпурарга айланди. Мадрид клуби таркибида футболчи 2009 йилдан буён ўйнаб келмоқда.