Моуриньо: Бизга тактика ҳам, машғулот ҳам керакмас!

“Рома” бош мураббийи Жозе Моуриньо жамоа билан эришаётган ғалабалари сирини очди. Португалиялик мутахассис ўйинларда зафар қучиш учун нималарга эътибор қаратиш кераклигини айтиб берди.

- Мураббийлик ишининг асосини ўйинчилар билан ўзаро муносабат ташкил қилади. Кўпчилик муваффақият сири тактика ёки машғулотлар жараёнида, деб ўйлайди. Лекин ютуқларнинг калити одамгарчиликда.

Ҳозир мен аввалгидек худбин эмасман, аксинча, одамгарчиликни ўргандим, - дейди Жозе Моуриньо.

Моуриньо “Рома”ни Конференциялар лигаси ғолибига айлантирди. Жозенинг ўзи УЕФАнинг барча турнирлари – Чемпионлар лигаси, Европа лигаси ва Конференциялар лигасида ғолиб чиққан ягона мураббийга айланди.