Моуриньо: Бу бошқа такрорланмайди

“Рома” бош мураббийи Жозе Моуриньо УЕФА Конференциялар лигасининг чорак финалидан ўрин олган Норвегиянинг «Будё-Глимт» клубига қарши ўйиндан олдин журналистлар иштирокидаги матбуот анжуманида қатнашди.

Португалиялик мутахассиснинг айтишича, "Рома" футболчилари ўз кучини аллақачон исботлаб бўлган Норвегия клубини жуда ҳурмат қилишади. Унинг таъкидлашича, "Будё-Глимт"дан учралган 1:6 ҳисобидаги мағлубият бошқа такрорланмайди, чунки Рим клуби ўзгариб, анча кучайган.

Моуриньо шунингдек, “Рома”нинг ярим финалга чиқишини кутаётганини қўшимча қилди.

Эслатиб ўтамиз, "Будё-Глимт" ва "Рома" жамоалари ўртасидаги дастлабки ўйин бугун Тошкент вақти билан соат 00:00да бошланади.