Моуриньо "Гуанчжоу Эвергранд"ни бошқаришни хоҳламади

Хабарингиз бор бундан аввалроқ португалиялик машҳур мутахассис Жозе Моуриньо Хитойнинг энг бой одами ҳисобланган Ху Цзяин билан музокаралар олиб бораётгани ҳақида хабарлар тарқалган эди.

Унга мамлакат терма жамоаси ёки "Гуанчжоу Эвергранд" клубидан бирини бошқариш таклиф этилаётгани ҳақида маълум қилинганди. Бироқ, TheGuardian нашрининг ёзишича Моуриньо оилавий сабабларга кўра “Гуанчжоу Эвергранд” клубини бошқаришни рад этган.

Берилган маълумотларга кўра хитой клуби 56 ёшли мутахассисга йилига 16,5 млн евро таклиф қилган. Таъкидлаш керакки, Моуриньо “Манчестер Юнайтед”да ҳам худди шунча маош олар эди.

Эслатиб ўтамиз, Моуриньо бундан аввал ўз кучини терма жамоада синаб кўриш истаги борлиги ҳақида ҳам гапирганди. Шуни инобатга олсак, у Хитой терма жамоасини бошқариши ҳам мумкин.