Моуриньо: Лэмпард ўз ишига меҳр билан ёндашади

Лондоннинг "Челси" клуб собиқ бош мураббийи Жозе Моуринью яқиндагина “аристократлар” бошқарувини қўлга олган собиқ шогирди Фрэнк Лэмпард ҳақида гапириб ўтди.

“Мен Фрэнкни ёқтирганим учун уни зўр мураббий бўлади деб айтишни хоҳлардим. Лекин, мен буни айта олмайман. Ҳаммасини вақт кўрсатади.

Лэмпарднинг салоҳияти етарли эканига ишонаман. У ўз ишига меҳр билан ёндашади. Мен унга барча яхши тилакларни тилайман. Бир неча йилдан сўнг ҳаммасини кўрамиз”, - дейди португалиялик мутахассис.

Эслатиб ўтамиз, Моуриньо “Челси”ни 2004-2007 ва 2013-2016 йилларда бошқарган.