Моуриньо "Лестер"га қарши ўйин олдидан қўрқмоқда!

"Тоттенхэм" бош мураббийи Жозе Моуриньо АПЛнинг 14-туридан ўрин олган "Лестер"га қарши ўйин олдидан "тулкилар" ҳужумчиси Жейми Варди ҳақида фикр билдирди. 

"У жуда хавфли. Жамоа ҳеч қачон ушбу футболчининг фазилатларини унутмайди. Бу Раньери даврида ҳам бўлган, ҳозир ҳам шундай.

У АПЛга кеч келгани учун, жуда афсусдаман. Варди бир неча йил аввал, бу ерда бўлиши керак эди ва унинг фаолияти узунроқ бўларди. Қолаверса, Жейми терма жамоада ҳам кўпроқ гол уриши мумкин эди.

Агар мен ҳимоячи бўлганимда, унга қарши ўйнашдан хурсанд бўлмасдим, чунки у жуда хавфли", -деди Моуриньо. 

Маълумот учун, Варди 2012 йил "Лестер"га кўчиб ўтган. Унгача у Англия 5-дивизионида ҳаракат қилувчи "Флитвуд Таун" шарафини ҳимоя қилган. Жорий мавсум 33 ёшли ҳужумчи АПЛда 12та ўйинда майдонга тушиб, 10та гол урган.