Моуриньо пенальтилар сериясида кимлар тўп тепишини айтди

“Рома” Конференциялар лигаси ярим финал жавоб учрашуви олдидан пенальтилар сериясига ҳам алоҳида тайёргарлик кўрди.

Маълумки, римликлар “Лестер” майдонидан 1:1 ҳисобидаги дуранг билан қайтган эди. Ҳар эҳтимолга қарши Жозе Моуриньо бошчилигидаги мураббийлар штаби ғолибни аниқлаш пенальтилар сериясигача етиб борса, лотереяда қайси футболчилар иштирок этишини белгилаб олди.

Маълумотларга қараганда, пенальтилар сериясида Тэмми Абрахм, Лоренцо Пеллегрини, Николо Дзаньоло, Сержиу Оливейра, Жордан Верету ва Брайан Кристантега ишонч билдирилади.

Учрашув Тошкент вақти билан бугун ярим тунда, соат 00:00 да бошланади.