Моуриньо ПСЖда ўйнаётган собиқ шогирдини "Тоттенхэм"да кўрмоқчи

ПСЖ вингери Анхель Ди Мария фаолиятини "Тоттенхэм"да давом эттириши мумкин.

Todofichajes нашри тарқатган хабарга кўра, 32 ёшли аргентиналик футболчининг хизматларига шахсан "шпорлар" устози Жозе Моуриньо жиддий қизиқиш билдирмоқда. Айтиш лозимки, улар ўз вақтида "Реал"да бирга фаолият олиб борган.

Ди Мариянинг парижликлар билан амалдаги шартномаси жорий мавсум якунлангач, ўз ниҳоясига етади. Бундан аввалроқ, у Роналду билан бирга тўп суриш истагида экани ҳақида хабарлар тарқалган эди.

Ди Мария жорий мавсум 20 та ўйинда майдонга тушди ва 3 та гол ҳамда 7 та голли узатмага муаллифлик қилди.