Моуриньo «Реал»га АПЛ юлдузини таклиф қилмоқда
«Реал» бош мураббийи Жозе Моуринью «Ливерпул» ярим ҳимоячиси Алексис Мак Аллистерни 70 миллион евро атрофида олиб келишни истамоқда.
Мадридликлар келажакдаги трансфер ойнасида «Ливерпуль» ярим ҳимоячисини ўз сафига қўшиб олишга уриниб кўриши мумкин.
ESPN нашрининг Германиянинг Sky телеканалига таяниб хабар беришича, «Реал» аргентиналик ярим ҳимоячи Алексис Мак Аллистернинг трансферини ўрганмоқда. Қайд этилишича, жамоа бош мураббийи Жозе Моуринью футболчини таркибга қўшиб олиш тарафдори.
«Жозе Моуринью Мак Аллистер билан шартнома имзолашни қўллаб-қувватламоқда. У футболчининг жисмоний имкониятлари ва яккакурашлардаги кучини алоҳида таъкидламоқда», — дейилади хабарда.
Шу билан бирга, «Ливерпуль» 27 ёшли футболчини жамоада сақлаб қолиш ниятида. Transfermarkt портали Мак Аллистернинг трансфер қийматини 70 миллион евро деб баҳоламоқда.
Изоҳлар (0)