Моуриньо "Реал" собиқ футболчисини "Фенербахче"га олиб келмоқчи

Ҳозирда "Тоттенхэм" клуби футболчиси ҳисобланган Серхио Регилон фаолиятини Туркия Суперлигасида давом эттириши мумкин.

AS хабар беришича, "Фенербахче" клуби бош мураббийи Жозе Моуриньо шахсан ўзи испаниялик футболчини ўз таркибида кўрмоқчи.

27 ёшли қанот ҳимоячисининг амалдаги шартномаси 2025 йилнинг яримига қадар мўлжалланган. "Шпорлар" 2020 йилда Серхиони "Реал Мадрид"дан 35 миллион евро эвазига харид қилишган эди.