Моуриньо "Реал"даги собиқ шогирдини "Тоттенхэм"га таклиф қилмоқчи

Мадриднинг "Реал" клуби ҳимоячиси Рафаэль Варан "Тоттенхэм" қизиқишлари доирасида бўлиб турибди. El Desmarque нашри тарқатган хабарга кўра, лондонликлар устози собиқ шогирдини жамоага таклиф қилмоқчи.

Хабарда айтилишича, унинг трансфер нархи 80 млн еврога баҳоланмоқда. Вараннинг "қироллик клуби" билан амалдаги шартномаси 2022 йилнинг ёзида ниҳоясига етади.

Жорий йилги мавсумда 26 ёшли футболчи мадридликлар сафида жами 20 та баҳсда майдонга тушди ва битта гол киритиб, яна битта голли узатмани амалга оширди.